Prison Minister-in Lunglei jail a tlawh

Prison minister R Lalzirliana chuan nimin khan Lunglei District Jail a tlawh a; jail tángte hmaah thu sawiin, an nunchang
ṭha lo laite sima insiamṭha turin a fuih.

R Lalzirliana chuan, jail chu thil sual titute hremna hmun ringawt a ni lo tih sawiin, "Nungchang siamṭhatna hmun a nih ang ngeiin tuna tângte pawhin nungchang ṭha lo laite sim a, mahni insiamṭha a, in chhuah hunah khawtlang tan mi ṭhahnemngai leh chhawrtlak ni thei turin
ṭan la ang che u," a ti.

Prisoners' Welfare Com-mittee-in Home Minister hnenah an duh leh mamawh an thlen, table tennis board leh jail office-a hman tur computer set chu bialtu MLA Chalrosanga Ralte leh DC-in an ngaih-tuahsak tur thu a hrilh.

Prison Minister hi parliamentary secretary (Prison) Lt.Col. ZS Zual-a, parliamentary se-cretary H Zothangliana, bialtu MLA Chalrosanga Ralte, DIG (SR) Joseph Lalchhuana, Home depart-ment additional secretary Lalbiakzama, IG Prison Zosangpuii leh Lunglei DC Abhijit Chaudhari ten an ṭawiawm.

Lunglei District Jail hi September 19, 1977-ah hman ṭan a ni a, jail táng mipa 134 leh hmeichhia paruk, an vaiin 140 an awm mek a ni.