Late fee lâk tawh pe kìr turin ngen

ZPM party ṭhalaite chuan thuchhuah siamin, lirthei document thite fee chawi belh chungchanga ngaihnathiamna awm ta chu lawmawm an ti a, chu­tih rual­in, late fee chawi­tir tawhte chu pêk kìr ni se an duh thu an tarlang.

ZPM ṭhalai president Malsawmzuala chuan, ZPM ṭhalaiin May 13, 2020-a ngenna an siam tawh ang leh sorkar laipui­in state tinte hriattirna a pek anga Mizoram sorkar­in lithei document thite ngaihhnathiam an nih tur thu a chhuah chu lawmawm an tih thu a sawi a, "Chutih rualin, February 1, 2020 hnua lockdown leh curfew vanga a huna fee pe thei lo, late fee lo chawitir tawhte pawh pe let leh turin sorkar kan ngen a ni," a ti.

Motor fitness endikna hmun Hlimena sawn a nih avangin, fitness certificate lâk dawnin Hlimen leh Chaltlanga Transport department office kàr tawn a ngai chu lirthei neitute tan a buaithlak ṭhin avang­in, motor fitness endikna leh fitness certificate pek chhuahna chu hmun khata tihfel theih tura ruahmanna siam turin sorkar an ngen bawk.