Champhai district -ah Ni 35 inhlawhna tur pe tawh

Champhai District Level Vigilance & Mo-itoring Committee chu nimin khan chairman CL Ruala, Lok Sabha MP leh co-chairman Ronald Sapa Tlau, Rajya Sabha MP-te hoin an ṭhu-khawm. Meeting-ah hian MGNREGA hnuaia ni 35 inhlawhna tur sum pek a nih tawh thu tarlan a ni.

CL Ruala chuan, sorkar laipui scheme hrang hrangte kenkawhnaah a kaihhnawih department-te chu ṭhahnemngaihna rilru pu tura a duh thu a sawi a; a hun taka a ṭha thei ang bera hna zawh tum tur leh mahni department ṭheuh chan pual hnate vil ngun turin a chah.

Ronald Sapa Tlau chuan, hmalaknate thlir-hoa harsatna sawi khawm chuan rah ṭha a chhuah
ṭhin tih sawiin, "Hna-thawh kalphungin mipui tan thil ṭha leh remchanna a thlen em tih ngaihtuah tel ṭhin tur a ni," a ti.

Meeting-a tarlan dan-in, MGNREGA hnuai-ah Champhai district-a job card nei mi 27,814 tan sorkar kum kal mek chhungin ni 35 inhlawhna atan cheng nuai 1,781.49 pek chhuah a ni tawh.

PHE department nen ṭangkawpin Swachh Brarat (Gramin) hnuaia Champhai district-a khua 80 zinga 52 chu ek-in nei lo awm tawh lohnaa puan a ni tawh a; sorkar kum kal mek chhungin thingtlang zawng zawng chu ek-in nei lo awm lohnaah puan tum a ni.

National Social Assis-tance Programme hnuaiah tar pensioner mi 2,760 awmin, hmeithai ṭanpuina pek tur mi 266 an awm a, rualbanlo (disabled) mi 74 an awm bawk.

Meeting-ah hian Cham--phai district-a MLA pangate zinga pa-thum - JH Roṭhuama, T Sangkunga leh TT Zo-thansanga te an tel a ni.