Lalthanliana'n Zawlpui phai a tlawh

Horticulture minister PC Lalthanliana chuan nimin khan Serchhip Zawl-pui phai a tlawh a, harsatna an tawh hrang hrangte sutkian dan tur a sawipui.

Zîkhlum vawi khata tam tham tak an thar chhuah chuan rei lo têah a zo nghal duak ṭhin tih sawiin PC Lalthanliana chuan, "Vawi khata supply a tam leh lutuk chuan a thartute pawhin an hlâwk tur angin an hlâwkpui thei ṭhin lo," a ti a; a tahtawla a chîn a, thar chhuahin hun rei zawk a daih theih nan mithiamte'n a hmuna an zir chian leh kawng an dappui theih nan mithiamte koh chhuah an tum thu a sawi.

Horticulture Minister chuan, leilet neitute'n buh an thar zawha purûn sen an chìn chhunzawm theih nan kawng a dappui dawn tih a sawi a, "Hemi atan hian mithiamte ràwn a nih bakah purun sen chi ṭha an chin theih nan ṭan kan la dawn a ni," a ti.

Leilet neitute'n har-satna an tawh hrang hrang-te Minister hnenah hian an thlen a; fûr laia harsatna an tawh lian ber pakhat, Mat lui Kaipuia tui lianin a tihbuai ṭhin chungchangah Minister chuan, lei dawhsak a tum thu a hrilh.

Zawlpui phai hi Ser-chhip aṭanga km. 7 vela hlaah a awm a, thla-sik thlai chíng ṭhin chhungkua 150 vel an awm a ni.