Minister-in damdawi-in sak tur tlawh

Minister C Ngunlianchunga chuan nimin khan Lawngtlai District Hospital building thar sakna hmun a tlawh a, PWD ho-tute nen hna thawh zel dan tur an sawiho.

C Ngunlianchunga chuan, Lawngtlai dam-dawi-in chu khum 30 awm-na a nih thu sawiin, "Mipui-te mamawhna a phu-hru zo ta meuh lo. Hei vang hian sorkarin rua-hmanna siamin, buil-ding thar sak a tum ta a. Harsatna dang a awm loh chuan chak taka sak a ni ang," a ti.

Ministry of DoNER (NLCPR) sum hmanga sak tur Lawngtlai District Hospital hi khum 50 awm theihna tur a ni a, khum 100 awm theihna thlenga tihlen awlsam thei tura ruahman lâwk a ni. Estimate amount chu cheng nuai 1191.51 niin, sum hi hmuh a ni tawh. Preliminary estimate siam mek niin, April thla velah chuan tender theih beisei a ni.

Minister C Ngunlian-chunga hi Lawngtlai DC J Hmingthanmawia, PWD chief engineer (Building) Lalmuankima Henry, su-per-intending engineer Bow-man leh chief architect George Lalzuia ten an
ṭawiawm a; chief medical officer Dr HC Thangkima hoin thawktute'n an lo dawngsawng a ni.