Truck rit dâwl zo lei siam duh

Mizoram Truck Driver Associa-tion (MTDA) chuan thuchhuah siamin, Sihhmui Tlawng lei chim chhan chhuina report-ah, 'Motor-in a dâwl zawh bak phura a zawh ṭhin vang a ni' tih a nih avangin, rit phur truck-te zawh tlak ngeia lei dawh turin Mizoram sorkar an ngen.

MTDA chuan, Inquiry report avangin lei chim thu-ah truck neitu leh khalhtute mawhphurhna chin a awma an hriat thu an tarlang a; chutih rualin, mipui mamawh bungrua an phurhte bûk vek theih loh chi a tam thu sawiin, "Truck-te'n rit tak tak an phur lo thei si lo a, Mizoram chhunga lui kânna leite hi rit phur zawh tlak ngeia dawh turin sorkar kan ngen a ni," an ti.