Health worker training chhuakte thlah

Health Workers’ Training School, Kuli-kawna health worker training batch 31-na pualin nimin khan an conference hall-ah batch Capping & Lamp Lighting Ceremony buatsaih a ni a, Health minister Lal Thanzara'n a hmanpui.

Lal Thanzara chuan, health worker-te an pawi-mawh tih sawiin, "Sorkarin hriselna beihpui a thlaknaah hian health worker-te chu hma hruaitu leh sûlsutu ber an ni. In tina lut a, home visit neia ram kilkhawr ber thlenga a hmuna ṭhutchilha hna thawktute an nih avangin, hriselna lama mipuite zirtirnaa hma latu ber an ni," a ti.

Health worker-te chu mipui nena innghêng renga awm an nih thu sawiin Health Minister chuan, khawtlang mipuite hnaih bera thawk an nih avangin khawtlang pumpui chu an duty-na ward a nih thu a sawi.

Inkhawmah hian Mizoram College of Nursing principal Lalchhanhimi’n zirlaite chu lukhum khumtirin, khawnvar a chhittir a, thutiam an sawi rual a ni. Health Workers’ Training School-ah hian mipa 429 leh hmeichhia 569 an training chhuak tawh.