Minister Lalsawta'n essay inziahsiak lawmman sem

Planning & Programme Implementation depart-ment-in Mizoram hmathlir chungchanga essay inziahsiak a buatsaiha tiṭhate hnenah, nimin khan Planning minister Lalsawta’n Plan-ning department conference hall-ah lawmman a sem.

Lalsawta chuan essay-a rawtna leh ngaihdan tarlante chu sorkarin rilru inhawng takin a dawngsawng a, chumi hmang chuan ram hmasawn nan theihtawp a chhuah dawn tih a sawi a; essay ziaktute chu hun lo kal zel turah an rawtna leh ngaihdante sorkarah inthlahrung loa thlen zel turin a chah.

Planning Minister chuan, thil inthlakthleng leh hmasawnna ṭha a awm theih nan sorkarin a tih theih apiang a ti dawn tih a sawi a, "14th Finance Commission-a tih danphung inthlakin a ṭha zawnga nghawng a nei thei dawn a, chumi lo chhawr ṭangkai tur chuan skill development concept ṭha tak neih a pawimawh," a ti.

Essay lawmman dawngtute chu - pakhatna Lalzahawma, Kawlkulh; pahnihna H Laldinmawia, Chanmari, Aizawl leh pathumna C Lallianngura, Zuangtui te an ni. Pakhatnain Rs. 50,000, pahnihnain Rs. 30,000 leh pathumnain Rs. 10,000 an dawng.