Minister hoin EAP chungchang sawiho

Finance, Planning, Tourism leh Sports & Youth Services department hotute chu May 23, Inrinni khan CS conference room-ah minister Robert Romawia Royte hoin an ṭhukhawm a; Externally Aided Project (EAP) hnuaia Tourism department leh Sports & Youth Services department-te tana sorkar laipuia Department of Economics Affairs leh Asian Development Bank-in ruahmanna a siam dante an thlirho. 

Tourism leh SYS department-te changtu minister Robert Romawia Royte chuan, Co­vid-19 avangin Mizoram budget hnuaia sum hmuh tur zat a chian loh thu sawiin, "Budget páwn lam aṭanga hmasawnna sum tam zawk hmuh a ṭul," a ti a; EAP chu Mizoram tana sum hnár pawimawh a nih thu a sawi.

Robert Romawia chuan, Tourism leh Sports hmasawnna atana Mizoram sorkar rawtnate a thuphunga pawm a ni tih sawiin, "Department-te tan thil thar a ni a, a thuphungin sum pawmpuina awm tawh mah se, DPR pawm tlak hmang chauha sanction tur a ni," a ti a; ram rotling ngei siam tura DPR ṭha siam a ṭul thu a sawi.

Meeting-ah hian Tourism secretary Esther Lalruatkimi, Finance secretary Vanlalchhuanga, SYS secretary H Lal­engmawia leh official dangte an tel a ni.