BJP President-in quarantine a tlawh

BJP, Mizoram Pradesh president Vanlalhmuak­a chuan May 22, 2020 khan Aizawla quarantine facility pahnih - R Dengṭhuama Hall leh Govt. Aizawl College-te a enfiah.

Vanlalhmuaka chuan, sorkar laipui lama an hotute'n Aizawla qua­rantine facility-te endik tura an tih anga endik a nih thu leh, an hmuh dan chu Delhi-a BJP pisapuiah an thlen dawn thu a sawi.

Vanlalhmuaka chuan, Mizoramah quarantine centre tam tak a awm tih sawiin, "Quarantine centre-ahte hian sorkar laipuiin guidelines a siam angin ei leh in, tui in tur hianghlim, information an hriat nan internet, te­levision, radio lehkhabu chhiar turte an dah vek tur a ni a. Taksa insawizawi nan infiamna tur te, hmawmsawm thlengin an pe tur a ni. Chutiang an neih theih nan sorkar laipuiin state tinah sum min pe a ni," a ti.

Mizoram BJP President hian Govt. Aizawl College, Mualpuia driver dah khawmna hmun, qua­rantine centre tan hripui laka invenna hmanraw ṭhenkhat a pe a ni.