Cabinet thutluknaah MNYF lâwm

Mizo National Youth Front chuan nimin khan thuchhuah siamin, May 22, 2020-a Cabinet meeting-in sorkar sum inrenchemna tura a ngaihtuahtu committee rawtna a pawm chu lawmawm an tih thu an tarlang a, "CM Pu Zoramthanga, Finance minister hmalakna hi ram tana ṭha zawk tur, ram tana méllung pawimawh tak niin kan hria a, kan chhuang hle," an ti.

MNF ṭhalaite chuan, eng sorkarah pawh sorkar sum renchem chu tihmâkmawh a nih laiin, inrenchem lam hawia hmalakna aiin sum khawhralna belh­chhah zawnga hmalakna hmuh a tam zawk ṭhin tih an sawi a, "Kan sorkarin kum tina cheng vbc. 500 ngawt mai humna tur inrenchemna a kalpui tur hian rah ṭha a chhuah kan beisei," tiin, Zoramthanga kaihhruai sorkar hmalakna ropui an tih thu an sawi a ni.