Quarantine centre bula kal hlauhawm lo

Siaha District Medical Board (DMB) chuan thuchhuah siamin, Mizoram páwn aṭanga haw khung hrante awmna quarantine centre-te chu mipui tan a hlauhawm loh a, a bul hnaia kal a hlauhawm loh thu an tarlang.

Siaha DMB chuan, quarantine centre-a dah turte chu an hriselna uluk taka endik vek a nih thu leh, rinhlelh kaite chu damdawi-ina isolation ward-ah dah nghal zel an nih thu te, quarantine centre-ah insawiselna nei lote chiah dah an ni a, hriselna lama harsatna nei lote an nih thu an puang a ni.

Siaha DMB tarlan danin, quarantine centre-a awmte chu uluk taka vèn leh enkawl an ni a, an chaw eina nawi leh bawlhhlawhte pawh a hranpaa dah khawma paih vek a ni 

ṭhin. Coronavirus (Covid-19) chu boruakah a léng lo a, a veite khuh leh hahchhiau zawnga boruaka chil per aṭanga inkai chhâwn a ni a, virus chu boruakah meter khat vel thleng a lèn theih avangin a veite hnaiha awm loh chuan kai a hlauhawm lo. Quarantine centre bul hnaia awm vangin hlauh ngawt tur a ni lo.