Mission Vengah kawng siam mek

Mission Veng Local Council chuan Mission Veng biak-in bul péng aṭanga Mission Vengthlang panna kawngpui an siamṭha mek a, chhukchho ulh deuh laite chu râwt hniam a ni.

PWD hotute sawi danin, kawng siam nan hian Planning department-in Plan sum cheng nuai 45 a ruahman a, chu sum hmang chuan Mission Veng LC-in khawl hmangin chawlhkar liam ta aṭang khan ngawrh takin hna an thawk a, kawng siam chhung hian lirthei kal theih loha khâr a ni.

Mission Veng LC hotute chuan, kawng chhuat sang lai râwt hiam leh a hniam lai hnawh khah chu zawh a nih hunah chuan Mission Veng kawng a zâl deuh tawh ang a, lirthei tan tlân a nawm phah hle tawh dawn niin an sawi.

Mission Vengthlang aṭanga Reiek panna kawng pawh siam mek niin, West Lungdar thleng siam tur a ni a; contractor chu CZS, Kolasib a ni. Kawng siam hi Mission Vengthlang aṭanga ṭanin, Tlawng lui chhaka Dihmunzawl bul an thleng tawh a; kawng siam nan cheng vbc. 10 chuang a ruahman a ni.