Tuipuiral YMA intihsiak hmanpui

Minister PC Lalthanliana chuan February 12, 2016 khan Khawbungah Tuipuiral Group YMA rorel inkhawm leh intihsiak vawi khatna a hmanpui.

PC Lalthanliana chuan, YMA member kalkhawmte chu Zoram thlamuantu leh innghahna tlak pawl a nih thu sawiin, sorkar pawh a neitu an nih avangin an ta ang taka en turin a sáwm a, "YMA nena thawhho chi leh thawh-ho ngai te a awm a, lungrual taka thawhho tlân leh infin chhuah hi sorkarin a mamawh a ni," a ti.

Sorkar hmalaknate duh ang leh duhthusama a kal chak loh vanga innawr zawng leh sorkar tana harsatna siam ang chi chu tlawmngai pawlte'n an tih tur a ni leh nih loh ngaihtuah hmasa se a duh thu sawiin, PC Lalthanliana chuan, "Sorkar dinhmun harsatnate hriatthiam kan tum ve hi a
ṭul ṭhin a ni," a ti bawk.

Khualzahawm, T Sangkunga, bialtu MLA pawhin thu a sawi a; Central YMA assistant secretary R Lalngheta leh CEC member dang palite pawh an tel a ni.