Road Safety Week khar

Road Safety Week, 2016 chu February 12 khan Kolasib leh Mamitah khar a ni a, week puala lirthei khalhtu ṭha thlan chhuahte lawmman pek an ni.

Kolasibah chuan week kharnaah hian Kolasib SP C Lalzahngoa chuan lirthei khalh laia mobile phone hman chu dan kalh anih thu sawiin, "Tunhnaiah Supreme Court in thupek a tihchhuah angin lirthei khalh laia mobile phone hmang kan man te chu thla 3 chhung an driving licence kan cancel sak tawh ang," a ti.

Week pual hian lirthei khalh-tute thil pawimawh hrang hrang zirtir an ni.

Mamitah chuan DC Lalbiak-sangi hoin DC conference hall-ah Road Safety Week hi khar a ni. Lalbiaksangi chuan Mizo mipuite kan changkang chhoh zel avangin lirthei pawh a pun zel thu sawiin, "A enkawl leh kan rilru put danah pawh kan changkan chhoh ve zel a ngai a ni," a ti.

Thusawitu dang Mamit SP C Lalnunmawia chuan, India ramah lirthei chetsualna minute 4 danah thlengin mi pakhat in nunna chan ang kan nih thu sawiin, "Hetah hian 77.5% chu driver thiam loh a ni," a ti a, Mizoramah pawh lirthei chet-sualna tam ber chu rui chunga khalh vang te, tlan chak lutuk vangte leh phurh rih lutuk vangte a nih thu a sawi.