Mizoram sorkarin a hnathawkte phai lam Damdawi-ina inenkawlna senso a bat dan

Mizoram sorkar hnathawkte'n an damloh vanga phai damdawi-in ṭum 137 an pannaa senso sor-karin Rs. 5,07,18,383 a ba mek a, chungte chu phai damdawi-in hrang hrang 43-a bat a ni.

Mizoram chhunga damdawi-in hrang hrang 20-ah sorkar hnathawk damlo inenkawlna man leibá Rs. 18,76,564 a awm mek bawk a, chu chu bat zawng zawng aṭanga 3.69% a ni.

Sorkar department hrang hrang 44-a hnathawkte'n phai damdawiin ṭum 137 an panna aṭanga a bat mek Rs. 1,63,13,108-ah hian AMRI Hospital, Kolkata-ah ba tam berin Rs. 1,63,13,108 a bá a, chu chu bat zawng zawng aṭanga 32.13% a tling. AMRI Hospital hi damlote'n ṭum 21 an pan a ni.

Kolkata-ah hian damdawi-in hrang hrangah Mizoram sorkar hnathawkte an inentir a, chunga inenkawlna man sorkarin a bat zawng zawng chu Rs. 66,60,132 niin, sum bat zawng zawng aṭangin 13.13% a tling.

Mizoram sorkar hnathawkte Kol-kata-a inenkawl nana damdawi-in an pan nasat zualte chu - AMRI bakah, Kothari Medical Centre, BM Birla Heart Research Centre leh Medica Superspeciality Hospital-te an ni a, damdawi-in dang pakua a la awm. Sorkar hnathawkte'n Kolkata-a damdawi-in hrang hrangte hi ṭum 45 an pan a ni.

Christian Medical College, Vellore chu damlote'n ṭum riat panin, pawisa bat zawng zawng chu Rs. 65,27,677 a ni a, hei pawh hi sum bat zawng zawng aṭanga chhûtin 12.87% a tling. Mumbai-a damdawi-in hrang hrangte chu ṭum sarih pan a ni a, chuta sum bat tling khawm chu Rs. 2,14,58,458 niin, a pumpuia sum bat aṭangin 4.23% a ni. Damdawi-inte chu - TMH Mumbai, GMC Mumbai, Ambani Hospital Mumbai, Tata Memorial Hospital-te a ni.

Guwahati-ah damdawi-in hrang hrang 10 chu Mizoram sorkar hnathawkte'n ṭum 26 an pan a, sorkarin Rs. 33,84,971 a ba mek. SSN Hospital, BBCI Hospital leh GNRC Hospital-te chu an pan tam zual a ni. SSN Guwahati-ah ṭum sarih an kal a, chuta inenkawlna senso bat zat chu Rs. 7,79,997 a ni a; BBCI Hospital-ah ṭum li inentirna aṭangin Rs. 3,67,060 a ba mek. GNRC Hospital, Guwahati-a bat zat chu Rs. 14,76,193 a ni a, sum bat zawng zawng aṭangin 2.91% a tling.

Guwahati-a damdawi-in Mizoram sorkarin sum a bat mekna dangte chu - Dawontown Hospital, SKSHEE, Guwahati International Hospital, GM Hospital, Baman Diabetes Specialities, Sankaradeva Nethralaya leh Sankaradeva Nethralaya-te a ni.

New Delhi-a damdawi-in zingah Apollo Hospital, ISIC, Escort, Fortis Escort Heart Institute, SITARAM, Medanta Hospital, Centre for Sight leh SSN Hospital-te an pan a; chu'nga inenkawlna senso bat zat chu Rs. 65,19,917 a ni. Shillong-a NEIGHRIMS leh Bethany Hospital-ah pawh Mizoram sorkarin leibá Rs. 4,97,940 a nei mek a, NEIGHRIMS hi ṭum li pan niin, Bethany Hospital chu ṭum khat pan a ni. Chennai-a Apollo Hospital-ah Rs. 6,32,710 a ba mek bawk.

Heng bakah hian, damdawi-in an pan tam loh ṭhenkhat, Mizoram sorkarin senso a bat mekna ni si a awm bawk a; chu'ngte chu - India Spinal Injury Centre-ah Rs. 2,20,925, RG Urology & Laaroscy Hospital-ah Rs. 2,14,295, RG Stone Urology & Laparoscopy Hospital-ah Rs. 1,64,081, Josco Pandalam-ah Rs. 14,453, Dispur Hospital-ah Rs. 1,71,245, SUSRUT Hospital, Kolkata-ah Rs. 50,305, Vinayak Hospital-ah Rs. 61,076 leh Ruby Hall Clinic-ah Rs. 88,128-te a ni.

Mizoram chhungah pawh damdawi-inah hrang hrangah inenkawlna senso sorkarin a ba mek a; mahse sorkar department hrang hrangte bat ni loin, Environment & Forest department bat a ni.

Mizoram sorkarin Mizorama damdawi-ina inenkawlna senso a batnate chu - Lunglei Civil Hospital, Christian Hospital, Faith Hospital & Research Centre, Hope Hospital, Hnahthial Hospital, Lairam Christian Medical Centre Lawngtlai, Aizawl Civil Hospital, Aizawl Hospital & Research Centre, Greenwood Hospital, Eye Care Community & Research Centre, BN Hospital, Synod Hospital, Darlawn PHC, State Referral Hospital leh Vaivenga Hospital & Research Centre-te a ni.