Zirna chungchanga Lehkhabu tlangzarh

School Education minister H Rohluna leh parliamentary secretary (Education) Joseph Lalhimpuia te chuan February 12, 2016 tlai khan MBSE office-ah zirna kalphung ziahna lehkhabu an tlangzarh.

Minister H Rohluna chuan ‘Integrated Eva-lua-tion Scheme for Se--con-dary Stage’ tih leh-kha-bute a tlangzarh pah--a thu sawiin, "He scheme hi Mizorama zir-tirna kalphunga rah-bi pawimawh tak a ni a, kum 2016-17 aṭang-a kalpui tum a ni. Khawvel changkang zel-ah kan zirnate thlak danglam ve zel a ngai a, he scheme thar hian zir-tirtute leh zirlaite hnen-ah hmasawnna thar a pek belh ka beisei," a ti a; zirna piah lamah in-frastructure tharte an ngaih-tuah belh zel thu a sawi.

Joseph Lalhimpuia chuan ‘General Studies for Higher Secondary Schools’ tih lehkhabute a tlangzarh ve thung a; thu sawiin, "Zirlaite tana zirlaibu pangngaia hmuh mai tur awm ve lo - dan lam, disaster ma-nagement, road safety, traffic sign, cyber security leh a dang dangte chu mithiamte'n ngun taka an zirchian hnuah buatsaih theih a ni hi a lawmawm hle," a ti.

Thusawitu dang, MBSE chairman Dr. Lalchungnunga chuan Education Minister, Parliamentary Secretary leh School Education dept. hnuaia staff zawng zawngte thawhhona bo-ruak ṭha avangin Mizo-ramah zirna hmel a dang-lam thei niin a sawi.

Lehkhabu tlangzarhna hun an hman zawhah Minister kaihhruainain Integrated Evaluation Scheme for Secondary Stage sawi zau turin com-mittee an ṭhukhawm nghal a ni.