Serampore College seminar-ah Hawla

Serampore College chuan Inrinni khan Synod Conference Centre-ah ‘Well-Wishers’ Seminar on the Mission of Serampore College’ an buatsaih a, chief minister Lal Thanhawla'n a hmanpui.

Chief Minister chuan, Mizoramin Serampore College nen hun rei tawh tak inkungkaihna an neih thu sawiin, "India ramah Krista zawmtu kan tam zel theihna turin a sûlsutua kan ṭan a pawimawh hle. Mizote hi khawvela sakhua lian ber ber pathum Hindu, Buddhism leh Islam-te'n min hual chungin Pathianin a chan--
chinṭha hril turin min rawn zawng chhuak a ni," a ti a; Pathian hming tiropui zawnga kal a ṭul thu a sawi.

Eng hna pawh thawk ila kan awmna ṭheuh chu Pathianin rawngbawl tura min dahna tih hriat a pawimawh thu sawiin Lal Thanhawla chuan, "Mi dangte tana mal-sawmna thlentu nih kan tum tur a ni," a ti.

Serampore College registrar Rev.Dr Santanu Kumar Patro chuan theology sawi apiangin Mizoram a lang hmasa
ṭhin tih sawiin, "Mizoram leh Serampore College hi chhûl khat chhuak angah kan ngai," a ti a; an college chuan Mizoram an ngaih pawimawh thu a sawi.

Serampore College hi India rama Pathian thu zirna university awmchhun a ni a, theology bakah arts, science leh commerce subject a zir theih a ni.