Aizawl Science Conclave 2016 buatsaih

Pachhunga University College (PUC) chuan Inrinni khan an audi-to--rium-ah Aizawl Science Conclave, 2016 an buatsaih a, Finance minister Lal-sawta'n a hawng.

Minister Lalsawta chuan hma lam hun atan kawng dik zawh tura duhthlanna dik siam a pawimawh thu sawiin, "Zirlaite hian Mizoram ropui nan leh hmasawn nan tih theih tam tak an nei a, an kutah Mizoram hma lam hun a awm a ni," a ti a; zirlaite chu ram tana an theihna zawng zawng senga thawk turin a chah.

Conclave hawnna hi PUC principal Dr Tawn-enga’n a kaihruai a; prog-ramme coordinator Dr H Lalthanzara’n Aizawl Science Conclave buat-saih a nih dan sawiin, "Prog-ramme-in a tum ber chu zirlaiteah science zir bingnaa hriatna leh thiamna nghet leh ril tuh leh, an thiamna leh theihnate pho chhuah theihna tur buatsaihsak a, hma an sawn zel theih nana ṭanpui a ni," a ti.

Conclave-ah hian De-partment of Science & Technology-a chief scientific officer Dr RK Lallianthanga resource person a ni a, 'Emerging trends in basic sciences' tih thupui hmangin zirlaite a zirtir a; intihsiak nana zirlaite’n science model leh research pos--ter an siamte pho chhuah a nih bakah, quiz buatsaih a ni.