Inthlanah sorkar thawhpui turin Bawrhsapin Lunglei YMA a sáwm

Lunglei district bawrhsap Ramdinliani chuan October 16, Thawhṭanni khan a pisaah YMA Sub-Headquarters, Lunglei hruai­­­tu­te a kâwm a; kumin MLA inthlanpui leh a vuakvêtah dik lo taka therhlo leh sum hman tumte vênnaah thawhpui turin YMA a sáwm.

Ramdinliani chuan, inthlanna felfai leh muanawm nei turin sorkar hnathawkte chauh an tâwk lo tih a sawi a, "Kan zavaia kan ṭanho a ngai. Mi tinin Model Code of Conduct kan zawm ṭhat theih nana hmalakah te, zu leh ruih theih thil léngvâk tur vennaah te, dik lo taka therhlo leh sum hman tumte vênnaahte leh kawng hrang hrangah sorkarin YMA a mamawhna a tam hle a ni," a ti.

YMA chu tlawmngai pawl, mipuiin an zah leh an inthlamuanna a nih thu sawiin DC chuan, "Inthlanna felfai leh muanawm kan neih theih nan hian min ṭanpui leh ṭanpui loh hian kawngro a su hle dawn a ni," a ti a; ni danga sorkar thâ an lo tihchak tawh ṭhin angin, Mizoram inthlanpui awm turah pawh theihtawp chhuaha sorkar thawhpui turin a ngen a ni.

Lunglei Sub-Hqrs YMA hruaitute pawhin, theitawp chhuaha an thawhpui tur thu Bawrhsap an hrilh a ni.