Minister-in army coaching a hawng

Mizoram Youth Commission (MYC) chuan nimin khan an pisaah army coaching an buatsaih a, minister Lalsawta'n a hawng.

Lalsawta chuan, coaching kal tura inziak lut ṭhalaite chu tlàwmna nun nei tur leh zirtirtute thu âwih chunga ṭhahnemngai taka zir tura a fuih a, "Kar hnih in thawhrimna hian in kumkhaw nawmna a hril dawn. Indopui pakhatna leh pahnihna laia Mizo sipaite chu an hotute duhsak leh rin ber ber an ni. Mizo ṭhalaite hian hmabak êng tak an nei a ni," a ti.

MYC chairman T Sangkunga, MLA pawh-in, “Mizoram sorkarin ṭha--
laite hmakhua a ngaih em avangin MYC hma-lakna apiang chu sum harsatna karah pawh a pui zel ṭhin a ni,” a ti a; MYC chuan thawktu indaih lo tak chung pawhin thawktu lak belh ai chuan Mizo ṭhalaite tan coaching leh training hrang hrang buatsaih nan leh hna ruak puanzar nan a sum neih ang chu a hmang zawk
ṭhin tih a sawi.

Inkhawmah hian Sainik Welfare & Reset-tlement director Surg.Lt.Cdr. Lalnuntluanga'n coaching pek dan tur a sawifiah.

Tun hnaia sipai tur laknaah mi 550 velin physical test leh medical test paltlangin written test an hmachhawn dawn a, anni tan hian coaching hi a thlawn a kal theih tura buatsaih niin Eastern Military Coaching Academy leh Youth Vikas Society-ten an zirtir ṭhin dawn a ni.