CS leh FAO hotute an inkawm

Food & Agriculture Organization (FAO) palai Shyam Khadka chuan nimin khan chief secretary Lalmalsawma a pisaah a kâwm a, thil pawimawh hrang hrang an sawi dun.

Shyam Khadka chuan, Mizoram chu tlang ram a nih angin fûr ruahtuiin lei ṭha a luan ralpui ṭhin chu uiawm a tih thu sawiin, "Terrace uar zawka siam a ngai. Sloping Agricultural Land Technology (SALT) thiamna hi Mizoramah enchhin ve kan tum a ni," a ti.

Kut hnathawktute'n an thlai thar aṭanga hlâwkna tél turin link road tam thei ang ber a ngaih thu leh market ṭha siam a ṭul thu sawiin Shyam Khadka chuan, hengte hi vawil leh khata zawh mai chi erawh chu ni lo mah se, Mizoram sorkar ṭanpui turin FAO chu an inhuam reng thu a sawi bawk.

Chief Secretary chuan Mizoram sorkarin Mizo lo neih dan pangngai kalsan tura hma a lak dan tlangpuite Shyam Khadka hi a hrilhfiah a ni.