Saihaah RTI Act zirho

Nimin khan Saiha DC conference room-ah Saihaa sorkar pisaa SPIO, SAPIO, DAA leh dealing assistant-te tan Right to Information Act chungchangah zirhona buatsaih a ni a, Saiha DC R Zarzosanga'n a hmanpui.

Training hi Administrative Training Institute nodal officer Vanlalvena'n a kaihruai a; R Zarzosanga chuan, "Langtlang sorkar kan neih theih nana he training hi buatsaih a ni a, mipuite leh sorkar kan thawhho a pawimawh a ni," a ti a, training ṭha taka tel tur leh hmang ṭangkai turin kal khawmte a sáwm.

Training-ah hian Saiha College-a professor K Zohra leh associate professor Thasia T Azyu ten thupui hrang hrang hmangin kalkhawmte an zirtir a ni.