MNYF President-in ngaihdam a dil

MNYF president Dr L Thangmawia chuan nimin khan Ngopa khuaa MNF campaign office a hawnnaah thu sawiin, MLA a nih chhunga a bial mipui rilru tihnat leh an duh loh zawng tih a nei thei tih sawiin, chutiang a awm a nih chuan an ngaihdamna a dil.

Dr L Thangmawia chuan, Ngopa khaw­tlangin MLA inthlanah hnenah an pek avangin a lawm tih sawiin, "MLA ka nih chhungin in rilru tihnat leh in duh loh zawng tih ka nei a nih chuan in ngaihdamna ka dil a, hri léng leh hun harsa tam tak karah kan thawhhonaa ka tih tur tih loh ka nei a nih pawhin inngaihdam ka dil a ni," a ti.

MNYF President chuan, kumin 2023 inthlanah pawh MNF an chak dawn nia sawiin, "MNF kan sorkar leh dawn," a ti a; Lengteng biala an hmachhawp leh hmabakte an tihhlawhtlin theih nan amah vote tling leh turin mipui a ngen a ni.