AAP-in inthlan an chuh dawn

Aam Aadmi Party (AAP), Mizoram chuan November 7, 2023-a Mizoram Legislative Assembly inthlanpuiah bial eng emaw zat an chuh dawn a, vawiinah an candidate turte an puang dawn.

AAP, Mizoram hruaitute'n nimina Aizawl Press Club-a thuthar thehdarhtute an kawmnaah kumin inthlanpui chu an chuh dawn thu an sawi a, "Aizawla MLA seat awmte phei hi chu chuh deuh vek kan tum. Kan candidate-te an tlin ngei theih nan theihtawp kan chhuah dawn a, danglamna thlen kan tum avangin sum leh pai hmanga vote lei emaw, thil tihsak emaw kan tum lo," an ti a; vawiinah an candidate turte an puan dawn thu an sawi a ni.