Young Voters’ Festival buatsaih a ni

Nimin khan Serchhip College-ah Young Voters’ Festival ṭan a ni a, Election officer Lalrinsanga Hnamte-in a hawng. Festival hian October 20, Zirtawpni thleng a awh ang.

Young Voters’ Festival hawnna hi IPRO leh SVEEP nodal officer Lalnunmawii’n a kaihruai a, Serchhip District SVEEP-in mascot contest a buatsaiha sem a ni. Laltluangliani, New Serchhip chu pakhatna a ni a, C Lalchhanchhuahi, P&E Veng pahnihna niin, Vanlalengfiaha, Serchhip College pathumna a ni.

Festival chhungin extempore speech, quiz, declamation contest, reel making contest, selfie contest, hashtag campaign, signature campaign, flyer making contest, on the spot essay writing contest, on the spot slogan writing contest, on the spot painting competetion-te buatsaih a ni ang.

Serchhip district-ah hian kum 2018-a inthlanpuiah khan vote 85% dáwn a tla a, kumina inthlanpuiah hian 90% a tlak tlin theih nan ṭan lak niin, Project 90 an kalpui a ni.