Rural Bank leh MJA ṭangkawpin Literacy campaign an buatsaih
Mizoram Rural Bank (MRB), Treasury Square branch leh MJA ṭangkawp chuan nimin khan Aizawl Press Club-ah 'Financial literacy and credit awarness campaign' an buatsaih a; MJA member ṭhahnem tak an tel.
Campaign hi MJA vice presi-dent Zonunsanga Khiangte-in a kaihruai a, MJA president Vanlal-rema Vantawl-in thuhma a sawi bakah sawihona hun hman a ni.
MRB Treasury Square branch manager C Lallungmuana chuan, 'Financial planning and budgeting, saving, credit' tih thupui a sawi a, "Ruahmanna ṭha neih leh saving neih hi thil pawimawh tak a ni," a ti.
C Lallungmuana chuan, ram hmasawnna atan leh miretheite chawikanna atan sorkar budget ei hêk loin bank-in theihtawp an chhuah ṭhin thu sawiin, "Rua-hmanna mumal neih erawh a ngai," a ti a; Mizo mipuite'n sum dahṭhat leh khâwl (saving) lamah
ṭan la se a duh thu a sawi.
Loan pûk ṭhin ṭhenkhatin ruahmanna ṭha leh saving an neih loh avangin an tlakchhiat phah thu sawiin C Lallungmuana chuan, "Ruahmanna ṭha nei leh saving nei ṭhate chuan loan hi an dinchhuahpui thung," a ti.
'Money transfer, ITC, etc.' tih thupui sawitu, MRB head office-a chief IT officer Lalrindika Fanai chuan, "MRB hi kum 2007 aṭangin full computerised-ah kan inchhál a, core banking erawh chu kum 2011 aṭangin kan ti ṭan," a ti a; technology lamah ṭan an lak zel thu a sawi.
Lalrindika sawi danin, MRB hian pawisa thawn dan chi hnih an nei a, pakhat chu a thleng nghal thei leh pakhat chu a darkar chan ve chhunga thleng thei a ni.
Lalrindika chuan, SMS alert an tih theih tawh thu sawiin, "SMS alert hi security measure atan pawh a ṭangkai hle a, account neite chuan hmang vek thei se a ṭha hle," a ti.
MRB Cross Selling-a senior manager Sangzeli chuan 'Insurance etc.' tih thupui a sawi a, Mizo mipuite insurance lamah an la
ṭhanharh tawk loh thu a sawi. MRB hnuaiah insurance policy hrang hrang account neite tan tih theih a nih thu sawiin, "Kut hnathawktute tan pawh pawisa tlemte dahin insurance tih thei a ni. Building insurance-te pawh tih theih a ni a, chhiatrupna a thlena in leh lo chánte a cover thei a ni," a ti.