KHAWTHLIR

Zirtirtu training

Centre for Cultural Resources and Training (CCRT), New Delhi chuan nimin zirtirtute tan SCERT auditorium, Aizawlah 'Training on introducing cultural inputs in curriculum teaching' an buatsaih.

Ram kang sawiho

Lawngtlai District Fire Prevention Committee leh Lawngtlai khawpuia village council aiawhte chu, nimin khan additional DC R Lalsang-luaia hoin a pisaah an
ṭhukhawm a, kumin ṭhál chhunga ram kâng laka fihlim theih dan tur an sawiho.

Loneitu tír

Agriculture (Rsearch & Education) chuan nimin khan district hrang hranga KVK hnuaiah loneitu mi 32-te chu Meghalaya-a thlai sawngbawl dan zir turin an tír chhuak.

Ran enkawl zat

AH&Vety department chuan December 2015 leh January 2016 chhungin OPD-ah ran chi hrang hrang 2,622 an enkawl a, mobile clinic-ah ran chi hrang hrang 131 an enkawl bawk. Hemi chhung vek hian sorkarah Rs. 34,990 an chhung lût a ni.

MUP khawmpui

Mizoram Upa Pawl (MUP), Thingsulthliah area chuan nimin khan Seling YMA Rûnah conference an hmang. An hun hmanpuitu minister R Lalzirliana chuan, upate chu uaptu leh thlamuantu an nih thu sawiin, "Upate'n min uap loh chuan a zâmawm hial ṭhin," a ti.

NLUP sem

Champhai district-a AH&Vety department chuan NLUP hnuaia bawng vulh thlangtu chhungkaw 40 hnenah, third phase leh fouth phase atan ṭanpuina DVO Office-ah an sem. NLUP ṭanpuina hi Rs. 19,000 zela sem a ni.

Rally sawiho

Aizawl addl. DC Lalchungnunga hoin nimin khan a pisa-ah Aizawla Indian Air Force Airmen Recruitment Rallly neih tur sawiho a ni. Rally hi February 20 a 1st. Bn. MAP school-ah neih a ni dawn.