Account-ah scho' sum thun

MZP chuan thu-chhuah siamin, post matric scholarship sum chu nimin khan Mizoram chhunga college, higher secondary school, techni-cal course leh polytechnic zirlai zawng zawngte bank account-ah thun luh a nih thu an tarlang.

MZP tarlan danin, post matric scholarship hi vawiinah Mizoram University leh Mizoram páwna zirlaite account-ah thun a ni dawn a, February 19-ah IGNOU zirlai leh Hindi zirlaite account-ah thun a ni ang. February 22-ah open school zirlaite account-ah thun tum a ni bawk.

MZP chuan, zirlaite'n scholarship rang taka an lak theih nan leh felfai taka an dawn theih nan hma a la zel a, ni tin Mizoram Scholarship Board hotute nen inbia tih an sawi a; zirlai tam takin bank account an inhman
ṭâwm vang te, IFSC code dik loh vang leh bank account an khawih chêt loh avangin harsatna an tâwk tih sawiin, "Zirlaite hriatthiamna kan ngen a, scholarship hi a náwlpui February thla chhunga sem zawh hman tum a ni," an ti.