Kawnpuiah fire prevention campaign

Kolasib District Level Fire Prevention Committee buatsaihin nimin khan Awithangpa Hall, Kawnpuiah Fire Prevention Campaign buatsaih a ni a, bialtu MLA leh parliamentary secretary Hmingdailova Khiangte-in a hmanpui.

Campaign hi Chhuah-tlang chanchinbu editor H Lalmuanpuia'n a kaihruai a; Hmingdailova Khiangte chuan, "Hmar-chhak state dangte aiin Mizoramin ram kan tikâng nasa a, mithiamte chhût danin Mizoram hmun ruka ṭhena hmun khat vel hi kan tikâng a ni. Ram tikângtu chu ram hmelma an ni a, mipui pawikhawihtu an ni," a ti.

Hmingdailova chuan, mipui kalkhawmte chu an awmna apiangah ram tihkan ṭhat lohzia leh a nghawngte sawi chhawng zel turin a chah.

Kawnpuia E&F range officer sawi danin, kum 2015 chhung khan Kolasib district-a ram kâng zau zawng chu hectare 413 a ni a, chu'ng zinga hectare 388 chu lo hâl vanga kâng a ni. Kawnpui range huam chhunga ram kâng hec-tare 6.9 zinga a tam ber, hectare 6 chu lo hâl vanga kâng a ni bawk.

Campaign-ah hian sorkar department hrang hrang aiawh te, V/C te, tlawmngai pawl hruaitute leh zirlaite an tel a ni.