Session programme tur duang fel

March 15, 2016-a ṭan tur Mizoram Assembly Budget Session chu March 31, 2016 thleng awh turin Assembly Business Advisory Committee (BAC) chuan a duang.

Speaker Hiphei kaihhruai BAC-in ruahmanna an siam dan chuan, March 15-a session ṭan a nih veleh Governor Lt.Gen. Nirbhay Sharma-a'n thu a sawi ang a, chumi hnuah Governor leh MLA-te'n thla an laho dawn a ni.

March16-ah Jammu & Kashmir chief minister thi ta, Mufti Mohamed Sayed sûnna atan hman a ni ang a, chumi hnuah House-a Larsap thusawi chungchanga lawmthu sawina motion sawiho a ni ang.

March 17-ah Finance minister Lalsawta'n kum 2016-17 atana Mizoram sorkar budget a pharh ang a, chumi rual chuan kumin sorkar kum chhunga sum indaih lohna phuhrûkna tur, Supplementary Demand for Grants a pharh bawk ang.

March 21-ah budget tlangpuia sawihoa zawhfel nghal tum a ni a; March 22-30 chhungin minister-te department chan enkawlna tur sum ruahmante sawihoa pass tum a ni.