Mamit chhehvelah naupang luak leh kawṭhalo a lêng

Tunlai hian Mamit leh a chhehvelah naupang luak leh kawṭhalo a lêng mek a, tun thla tir aṭanga February 16 thleng khan Mamit District Hospital-ah naupang luak leh kawṭhalo mi 25 an admit tawha thu dawn a ni.

Mamit aṭanga thu dawn danin, Mamit leh a chhehvela naupang kawṭhalo leh luak lêng vang hian mi 25 damdawi-ina dah luh an nih tawh bakah, admit chiah loh mi dang eng emaw zat an awm. Admit lohte pawh damdawi pek an nih bakah drip khaisak an ni hlawm.

Mamit leh a chhehvela kawṭhalo leh luak hriléng hi Mamit District Hospital chuan an theih ang angin an buaipui a, Aizawl lam aṭangin thuneitute'n an la enpui lo nia thu dawn a ni.