March 1 aṭanga taxi intlân chhâwk dan tur tihfel a ni

Traffic SP C Lal-thanmawia chuan danin thuneihna a pek angin nimin khan hriattirna a chhuah a, March 1, 2016 aṭanga Aizawl khawpuiah taxi intlân chhâwk tur a nih thu a tarlang a; intlân chhâwk dan tur tihfel a ni.

Traffic SP chuan, "Aizawl khaw-pui chhunga lirthei tâwt lutuk tih-ziaawmna atan leh mipui vantlang himna leh remchanna tura Coordination Committee on Traffic Management-in a lo rel tawh angin, taxi-te March 1, 2016 aṭanga intlân chhâwk turin thupek ka chhuah e," a ti.

Taxi intlân chhâwk dan tur

τ Aizawl khawpui chhunga taxi-te chu group pathumah
ṭhen a ni a, taxi hmun thuma ṭhena hmun khat ni tin an inchawlh chhâwk ang.

τ Taxi chu sticker A, B leh C hmangin thliar an ni ang.

τ Taxi intlân chhâwk hun chhung chu November-February inkarah zing dar 8 aṭanga tlai dar 5:30 a ni ang a, March-October inkarah zing dar 8:30 aṭanga tlai dar 6:30 a ni ang.

τ Taxi intlân chhâwk hian Mizoram sorkarin chawlha a puan leh Pathianni a huam lo ang.