Kângmei laka himna atan thupek chhuah

Serchhip DC Dr Lalrozama chuan, lo hâl leh chhan dang hrang hrang vanga ramngaw, in leh bungrua kâng ral ṭhin laka mipuite him theih nan Serchhip district chhunga zawm turin thupek a chhuah.

Thupek zâwm lote chu UPC Section 188 hmanga hrem theih an nih thu a tarlang a, thupek chu sût a nih hma chuan February 16, 2016 aṭanga chhiara thla hnih chhung hman tur a nih thu a tarlang bawk.

Serchhip DC thupek

θ Mi tumahin March 15, 2016 hnu lamah lo, huan leh leipui an hâl tur a ni lo.

θ Meilam ṭha tawk sial hmasa lo chuan lo, huan leh leipui an hâl tur a ni lo.

θ Mihring nunna leh bungrua/ro thil tana hlauhthawnawm chi reng rengin kângmei an tichhuak tur a ni lo.

θ Eirawngbawlna leh ran chaw chhumna leh intihlumna atana hman - thuk, meihawl, khawnvartui, gas, electric thuk leh a dangte, kângmei duhawm lo tichhuak thei zawngin an chelek/hmang tur a ni lo.

θ Ramhnuaia meichhem timit loin kalsan tur a ni lo.