KHAWTHLR

NEC Secretary

North Eastern Council (NEC) secretary Ram Muivah chuan ni hnih chám turin nimin khan Aizawl a lo thleng. Ram Muivah hian nizan khan Governor Lt.Gen. Nirbhay Sharma a kâwm a, vawiinah NEC project hrang hrang chungchang Mizoram sorkar hotute a sawipui ang.

Charge inhlan

MJA-a sub-division awmchhun, Hnahthial Sub-Division MJA hruaitu tharte chuan nimin khan Hnahthial Peniel Venga F Zosangliana inah mawhphurhna an inhlan. Hnahthial MJA-ah hian convener F Zosangliana, secretary Rodingluaia leh treasurer H Lalthanghuta te an ni.

Kawng siam vangin lawm

MZU Road Joint YMA Committee chuan thuchhuah siamin, Vaivakawn-Mizoram University kawng siam meka la siam zawh lohna lai, Ch.Chhunga H/S péng leh Ropaiabawk inkar km. 1.8-a thui chu February 15, 2016
aṭanga thawh ṭan a ni leh ta chu lawmawm an tih thu an tarlang.

Lunglen Hlimthla

Lalvansanga Pautu lehkhabu ziah, 'Lunglen Hlimthla' tih chu nimin khan MZP conference hall-ah minister of state Lalrinmawia Ralte-in a tlangzarh. Lehkhabu hi Rs. 100 man a ni.

Mi harsa in sa

Melbûk branch YMA an khuaa mi harsa pakhat in an saksak. In sakna atan hian an khuaah vehbûr an khawn a, ft. 12X18-a zauin an sa. In an saksak hi mipa kum 75-a upa, amah chauha awm a ni.

Health camp

AH&Vety department chuan nimin khan Baktawng community hall-ah 'Awareness Campaign-cum-Animal Health Camp' an buatsaih a, ran damdawi leh ran enkawl dan zirtirna bu a thlawnin an sem a ni.

Lungphùm phúm

Sihphir YMA-in multiporpose centre an sak tur lungphùm chu nimin khan minister Lal Thanzara'n a phúm. Multipurpose centre hi cheng nuai 80 senga sak tum a ni.