Sokar laipui hmalakna thlirho

Saiha District Level Vigilance & Monitoring Committee chu nimin khan an chairman CL Ruala, Lok Sabha MP leh co-chairman Ronald Sapa Tlau, Rajya Sabha MP hoin Saiha DC conference hall-ah an ṭhukhawm.

Meeting kaihruaitu Ronald Sapa Tlau chuan, meeting chuan awmzia a nei tur a ni tih sawiin, "Department hrang hrangte hian sum a nihna tur ang takin an hmang em tih leh sumte hi a dawngtu tur dik takin an dawng ngei em tih enfiah tura lo kal kan ni," a ti a; sorkar hnathawkte chu Saiha district-a an awm chhungin sorkar leh mipuite tan eng thil ṭha nge an tih theih tih inzawt fo turin a chah.

Meeting-ah hian DRDA Saiha, Tuipang BDO, Saiha BDO, DCAO (IWMP), DHO (IWMP), PWD, CMO, PHE, P&E, DEO, SSA, DSWO leh CDPO ho-tu-te'n an department hma-lakna hrang hrang, an hnathawh tawhte leh hma-chhawpte an sawifiah a ni.