Model village hmasawnna tur sawiho

Tuirial bialtu MLA Hmingdailova Khiangte hoin nimin khan a biala model village atana a thlan, Thingdawl khaw hma--sawnna tura ruahman-na siamte thlirho a ni.

Hmingdailova Khiang-te chuan, model villlage-in a tum ber chu hmasawnna ruhrel bun lam ni loin, hmasawn tura mihringte rilru sûkthlêk siam leh an ngaihtuahna her rem a, kawng tinrenga hmasawn duhna rilru puttir a nih thu a sawi a; model village atana hmalakna tur point 10 chhawpchhuahte tihpui-tlin kawngah theihtawp chhuahpui turin department aiawhte a sáwm.

Meeting kaihruaitu Kolasib DC H Lalengmawia chuan, model village atan a hranpaa sum dah a awm loh thu a sawi a, "Kan thawhho thiam dan-ah leh lungrual taka department hrang hrangte'n kan hmalaknaah a hlawh-tlinna a innghat a, kan zavaia kutah a awm. Model village-ah hian mipui lam beiseinna a san avangin a dawnsawn dan an thiam nan a tumte chiang taka inhrilh a ngai," a ti.

Meeting-ah hian model village hmasawnna atana ruahmanna siam tawh point 10-a hmalak dan tur department hrang hrang hotute'n an sawi a ni.