Health Minister-in health clinic a hawng

National Programme For Prevention and Control of Cancer, Diabetes, Cardiovascular Disease and Stroke (NPCDCS) leh National Programme for Prevention and Control of. Deafness (NPPCD)-te chuan, nimin khan Sihphir Venghlun YMA Hall-ah Non-Communicable Disease (NCD) clinic an buatsaih a, Health minister Lal Thanzara'n a hawng.

Health Minister chuan, mihring nunna Pathian kutah a awm rualin, mahni kutah pawh eng emaw chen a awm thu sawiin, "Kan taksa mamawh loh záwng kan ei nasat chuan kan dam rei loh phah thei a ni," a ti a; Sihphir mipuite chu an tana health clinic hawn chu ngai pawimawh a, doctor-te'n tih tur leh tih loh tur an sawite zâwm a, ṭha taka inenkawl turin a chah.

Bialtu MLA, deputy speaker R Lalrinawma pawhin, "Khawtlang tan mamawh leh tih tur tam tak a awm a, sorkar hmalakna kal mekah hengte hi tihpuitlin chhoh zel a nih ka beisei," a ti.

Clinic hawnnaah hian NPCDCS state nodal officer Dr Eric Zomawia'n 'I hriselna i kutah a innghat e' tih thupui a sawi a; ni tin nunphunga tih tur leh tih loh tur te, ei leh ei loh tur te, taksa tana hrisel leh hrisel lote a lem nen a sawifiah a ni.