ZPM election symbol tlangzarh

ZPM party chuan nimin khan an pisaah kumin 2023 MLA inthlanpuia an chhinchhiahna (symbol) tur an tlangzarh. Tlangzarhna inkhawm hi ZPM working president K Sapdanga'n a kaihruai a, ZPM president Lalliansawta'n ZPM election symbol lukhumparh (hat) a tlangzarh a ni. 

ZPM hi Election Commission of India (ECI)-ah ziah luh (register) tawh ni mah se, recognised political party a la ni lo a, chuvang chuan ECI pawmpui symbol nghet an la nei lo. Tun ṭum MLA inthlanpui awm turah ZPM election symbol atan lukhumparh pek a nih thu, ECI chuan October 18, 2023 khan Mizoram Chief Electoral Officer a rawn hriattir a ni.