ISO chungchangah MZU endik

International Organization for Standardisation (ISO) auditor pahnih Sivaiah Alapati leh T Suma Devi te chuan nimin khan Mizoram University an tlawh a, ISO certification chungchangah MZU an endik.

ISO auditor-te hian MZU Administrative office, Examination department leh department hrang hrangte an tlawh kual a; MZU engineer-te'n environment leh energy humhalhna tura an hmalakna hrang hrangte an enpui bawk.

MZU hian a vawi khat nan ISO Certification 2018 a dawng tawh a, hmarchhak biala university zinga ISO certificate hmu hmasa ber a ni. ISO certification dang pathum - 50001:2018 Energy Management System, ISO 14001:2015 Environmental Management System leh, ISO 14001:2015 Environmental Management System an hmu bawk.