Court-ah naupang pual pindan hawng

Aizawl District & Sessions judge Joel Joseph Denga chuan October 18, Nilaini khan Aizawl District Court-ah Child Welfare Officer’s Office leh Children’s Room a hawng.

Hawnna inkhawm hi special judge (PC Act) Dr HTC Lalrinchhana'n a kaihruai a; Joel Joseph Denga chuan, pindan hawn tâkte chu naupangte dikna chanvo humhalh a nih theih nan Mizoram State Commission for Protection of Child Rights (MSCPCR)-in ṭangkai taka an hman a beisei thu a sawi.

MSCPCR chairman Dr C Lalsangzuala chuan Child Probation Officer’s Office leh Children’s Room an buatsaih chhan a sawifiah a; hursualna tuartu naupangte leh an nute'n tàn-ina an tànpui naupang, court-a kal ngaite tana buatsaih a nih thu sawiin, "Naupangte tana hmun nuam a nih theih nan Directorate of Women & Child Development-in bungrua leh hmanraw chi hrang hrangin an thuam nghal a ni," a ti.

Joel Joseph Denga chuan, hursualna tuartu naupangte'n court-a harsatna an tawh ṭhin tihtawp a nih theih nan hmunhma ṭha an mamawh hu leh district court dangahe pawh siam a nih zel theih nan ṭan la turin MSCPCR houte a chah a; Mizoramah POCSO Act kaihhnawiha tuartute hnena zangnadawmna pek ṭhin (victims compensation) chu state sorkar sum harsatna vangin la pek loh tam tak a awm thu a sawi bawk.