Hlawhtlinna chan ngei kan beisei - K Sapdanga

ZPM working president K Sapdanga chuan Aizawl North-III biala ding turin Election thuneitute hnenah nimin khan nomination paper a thehlut a; thuthar thehdarhtute zawhna chhangin, Pathian leh mipui zarah inthlanpui awm turah hlawhtlinna an chan ngei a beisei thu a sawi.

K Sapdanga chuan, "Sorkar kal hmasa tawhte hi mipuite'n an hre chiang em em. Keini chuan kalphung thar kan zuar a, mipui hian kalphung thar sorkar enchhin an duh hle niin kan hria. Tun ṭum atan chuan ZPM hi vote ngei an tum niin kan hria," a ti.

Tun hnaia All India Congress Committee hruaitu Rahul Gandhi-a'n ZPM leh BJP a sawi zawm chungchang zawhna chhangin K Sapdanga chuan, "Rahul-a hian khawia mi nge a hriat kan hre lo a, dâwt bu a keu a nih kan ring," a ti bawk.