NEC hnuaiah dept. 18 in Hnathawh mek 47 an nei

North Eastern Council (NEC) hnuaiah December, 2015 thleng khan Mizoram sorkar hnuaia deparment 18-in hna thawh mek 57 an nei.

NEC secretary Ram Muivah ho hian niminah Sec-retariat conference hall-ah sorkar mi pawimawhte an ṭhukhawm a, NEC kaltlanga Mizorama hnathawhte thlirhonaah department hrang hrang hnathawh zat tarlan a ni.

December 2015 thlenga NEC sum hmanga Mizorama scheme leh project hrang hrang kal mek 57 zinga 13 chu thawh zawh thawkhat tawh a ni a, 44 chu thawh mek a ni.

Scheme leh project 57 thawhna tur hian NEC chuan cheng vbc. 845.93 a pawmpui tawh a, NEC leh state-in a do letna sum a pek chhuah tawh zat chu cheng vbc. 525.15 niin, utilisation certificate thehluh tawh zat chu vbc. 457.38 hû a ni.

NEC Secretary chuan, sum mamawhte rang zawka pek chhuah a nih theih nan NEC-a thehluh tur thil pawimawhte a rang lama thehlut ṭhin turin department hotute a hriattir.