Dan hman lai 33-ah ngaihdan zawt

Mizoram State Law Commission chu nimin khan an chairman John Siamkunga, MLA hoin an ṭhukhawm a, sorkarin dan a hman lai mek 33-te chu a neitu department hnenah an ngaihdan thehlut tura hriattir a nih thu tarlan a ni.

John Siamkunga chuan, Commission member-te chu ram tana hna ṭang­kai thawk an nihnaah an ṭha­hnemngaihna leh tai­makna rah ramin a hlâwkpui thu a hrilh a, "Hmasawnna chak taka kalpui tur leh khua leh tui tha nei thei tur chuan ramin dan ṭha a neih a ṭul a ni," a ti.

Meeting-a tarlan danin, sorkarin dan a hman lai 33 chu a neitu department-te hnenah an ngaihdan thehlut tura hriattir a ni a, chu'ng zinga 29-ah chhanna an hmu tawh a, dan pali dang chhanna nghah mek a ni. Chhanna thehluhte zir chiang turin state sorkara dan lam thiam bikte ruat ni se, an ti.

Meeting-ah hian dan ṭhenkhat, autonomous district council (ADC) huam chhunga hman ve chi leh hman chi lohte chung­chang pawh sawiho a ni.