DGP-in Kolasib dist-a PS-te a tlawh

DGP Thianghlima Pachuau chuan, nimin khan Kolasib district chhunga police station hrang hrangte a tlawh. Kolasib district-ah hian kumin chhungin thubuai 21 ziah luh a ni tawh.

DGP hi Kolasib-a thuthar thehdarhtute'n an lo kâwm a; an district chu ramri buai nei ṭhin an nih vang te, ṭhenawm state aṭangin ruihhlo lak luh a awlsam vangte leh state páwna ruihhlo tlân ṭhin Zoram hmun hrang hrang aṭanga an awm
ṭhin avangin thubuai an ngah ṭhin thu an sawi. An district-a police station-te chu thuam ṭha a, thawktute pawh dah belh a nih theihna tura hmalakpui turin an ngen a ni.

Thianghlima Pachuau chuan, Kolasib thuthar thehdarhtute ngenna chu a theih ang anga tihhlawhtlin a tum thu a hrilh.

DGP chuan, sorkar sum harsatna avangin an duh angin Mizorama police station-te thuam ṭhat a ni thei lo chu pawi a tih thu sawiin, "Sum harsa chung chung hian mipuite nen a ṭanhona zarah Police department-in chak taka hna an thawk ṭhin a ni," a ti.

DGP hi Kolasib SP C Lalzahngoa'n a lo dawngsawng a, an harsatna leh mamawhte an lo thlen.