NLUP hnuaia hmalakna thlirho

Lunglei District NLUP Committee chu nimin khan an chairman Abhijit Chaudhari, Lunglei DC hoin a pisaah an ṭhukhawm a, NLUP line department hrang hrang hnuaia hmalak tawhte an sawiho.

Abhijit Chaudhari chuan, Mizoram sorkar flagship programme a nih avangin NLUP hnuaia hmalaknate chu nasa lehzuala bawhzui a, ṭanpuina dawngtute hna thawh dan ngun lehzuala vil a pawimawh thu a sawi.

NLUP hnuaiah hian Lunglei district hi cluster pasarihah ṭhen a ni a; first phase-ah beneficiary mi 7,106, second phase-ah mi 7,408, third phase-ah mi 5,079 leh fourth phase-ah mi 2,659 thlan an ni.