Thingsaiah zirlaite exam thei lo

Thingsai khuaa high school leh middle school-ah headmaster leh zirtirtu dah phûtin Thingsai NGO Coordination Committee huaihawtin February 17, 2016
aṭang khan an khuaa zirna-in zawng zawngte khâr a ni a, zirlaite an exam thei lo.

Thingsai NGO Coordination Committee chairman F Lalrinliana sawi danin, Thingsai khuah hian sikul kai tur zawng zawng an dan avangin Thingsai High School-a pawl 9 leh higher secondary school-a pawl 11 zirlaite'n promotion exam an nei thei lo a; sorkar
aṭanga thu lawmawm an hmuh loh chuan HSLC leh HSSLC exam thlenga boycott an tum a ni.

Thingsai Joint NGO & All Party thuchhuah tarlan danin, Thingsai H/S-ah hun rei tak science zirtirtu an nei tawh lo a; Thingsai M/S-ah kum 2012 aṭangin headmaster an nei loh bakah, Saikuti M/S-ah chuan kum 2008 aṭanga tun thlengin headmaster an la nei lo a ni.