Minister-in sikul sakna hmun tur enfiah

Social Welfare minister PC Lalthanliana chuan, nimin khan Lawngtlai dáia Eklavya Model Residential School (EMRS) sakna hmun tur a tlawh.

Eklavya Model Residential School hi Ministry of Tribal Affairs-in tlang mi (tribal) miretheite'n a thlawna zirna ṭha an dawn theih nana a ruahman a ni a, pawl 6-8 thlenga bul ṭan a, class tinah naupang 60 ṭheuh luhtir phawt tur a ni. Kum tin pawl tisang zelin pawl 12 thlenga hawn tur a ni a; hostel leh infiamna hmun changtlung tak siam vek a ni ang.