Strawberry chìnna hmun tlawh

Horticulture minister PC Lalthanliana leh parliamentary secretary (Horticulture) K Lalrinthanga te chuan nimin khan Niawhtlang-III hmuna strawberry chìnna hmunpui an tlawh.

PC Lalthanliana chuan, Niawhtlang-III chu Mizorama strawberry chíng nasa ber khua an nih thu leh an harsatnate a hmun ngeia ngaithla tura tlawh an nih thu a sawi a, "Mizoram sorkar thil tum ber chu miretheite khaichhuah a, lei rem rahtir a ni. Tun aia nasa zawka kuthnathawktute
ṭanpui zel tum a ni," tiin, sorkarin kut hnathawktute a ensan ngai dawn loh thu a sawi.

Niawhtlang-III ah hian huan neitu mi 18-te'n kum 2014-15 chhung khan strawberry rah an hralhna aṭangin Rs. 22,30,000 an la lut a; a
ṭiak aṭanga sum an lak luh tlingkhawm chu cheng nuai 16.80 niin, juice/wine aṭanga sum an lak luh zat chu cheng nuai 6.44 a ni.

Kumin 2016 chhung-in strawberry aṭangin Niawhtlang-III a huan neitute'n cheng nuai 50.587 an hmu tawh bawk.