Zirlai chanvo rapbet lo turin ngen

MZP chuan thu-chhuah siamin, private school ṭhenkhatin an zirlaite an sikula zirtirtute hnuaiah ngei tuition la turin an nawr lui ṭhin niin an tarlang a, "Hetiang hi ṭha lo kan ti hle a, sikul hrang hrangte hian zirlai naupangte dikna chanvo rahbehsak tawh lo turin kan ngen a ni," an ti.

MZP chuan, School Education department-in school calendar a siam anga kal duh lo private school ṭhenkhat an awm ṭhin chu pawi an tih thu sawiin, sorkar scvhool calendar anga kal vek a nih theih nana hma la turin sorkar an ngen. School syllabus chhung-a mi, sorkarin a bàn (omitted) ni si lo, mahni thua lo bàn ṭhin sikul an awm thu sawiin, chu-tiang ti ṭhin sikulte chu enfiah turin thuneitute an ngen bawk.

Industrial Trainning Institute (ITI)-a training result a chhuak mumal lo nia sawiin, MZP chuah, "ITI training result chhuak har ṭhin lutuk leh kum 2014 aṭanga certificate an pe chhuak thei lo hi kan ngaimawh tak zet a, mumal leh rang zawka result tichhuak a, certificate pawh a rang thei ang bera pe turin thuneitute kan ngen a ni," an ti.